मण्डला थिएटरमा सामाजिक बेथितिमाथि व्यङ्ग्य गर्दै 'भाग भेडा भाग'Satirical Play 'Bhag Bheda Bhag' Staged at Mandala Theatre
काठमाडौँको थापागाउँस्थित मण्डला थिएटरमा समकालीन समाज, सत्ता र सामाजिक बेथितिमाथि तिखो व्यङ्ग्य गर्ने नाटक ‘भाग भेडा भाग’ को मञ्चन सुरु भएको छ। अतियथार्थवादी शैलीमा तयार पारिएको यस नाटकले काल्पनिक संसार र मानिस तथा जनावरबीचको सम्बन्धमार्फत मानवीय प्रवृत्ति र व्यवस्थाका विसङ्गतिहरूलाई कलात्मक रूपमा प्रस्तुत गरेको छ।
मण्डला थिएटरको बीसौँ ब्याचका प्रशिक्षार्थी कलाकारहरूको सामूहिक प्रस्तुति रहेको यस नाटकको लेखन तथा निर्देशन संयोग गुरागाईंले गरेका हुन्। खोरभित्र नियन्त्रणमा राखिएका जनावरहरूले आफ्नो अस्तित्व र शक्ति पहिचान गर्दै स्थापित व्यवस्थाविरुद्ध गर्ने विद्रोहलाई नाटकको मुख्य कथ्य बनाइएको छ। नाटकमा मञ्चिने जनावरहरू केवल पात्र मात्र नभई समाजका कमजोर, शोषित र नियन्त्रित वर्गका प्रतीक हुन्।
विशेषगरी विकास र समृद्धिका नाममा बनाइने नियम र तिनको कार्यान्वयनमा हुने बेथितिमाथि नाटकले कडा प्रहार गरेको छ। नाटकमा क्रिस बम, अनिता थापा, राजेश सेन्चुरी, सन्ध्या नेपाल, यश श्रेष्ठ, महेश गिरी, अंकित सिंह हमाल, निखिला चापागाईं, अस्मिता तामाङ, राजाराम गौतम र आकाश केसीलगायतका कलाकारहरूले सशक्त अभिनय गरेका छन्।
सञ्चालनमा रहेको यस नाटकमा संयोग गुरागाईंको मञ्च परिकल्पना, महेन्द्र राज बाठाको संगीत संयोजन, उमेश तामाङको प्रकाश परिकल्पना र प्रतीक राज खड्का, सुजन धिमिरे तथा अमिर ताम्राकारको मल्टिमिडिया संयोजन रहेको छ। मनोरञ्जनका साथै यस नाटकले मञ्चमार्फत दर्शकलाई सामाजिक तथा राजनीतिक परिवेशबारे गम्भीर भएर सोच्न बाध्य बनाउँछ।
The surrealist theatrical play 'Bhag Bheda Bhag', which delivers a sharp satire on contemporary social order, authority, and systemic flaws, has kicked off its staging at Mandala Theatre in Thapagaun, Kathmandu. The play uses a surreal narrative connecting human and animal worlds to reflect social realities.
Written and directed by Sanyog Guragain, the production features a ensemble performance by the 20th batch of trainee artists from Mandala Theatre. Set inside a livestock barn under human control, the story follows the captive animals as they recognize their collective power and rise in rebellion against their oppressors. The animals serve as symbolic representations of exploited and marginalized classes in society.
The narrative critiques systemic corruption carried out under the guise of progress and development. The cast includes Kris Bam, Anita Thapa, Rajesh Century, Sandhya Nepal, Yash Shrestha, Mahesh Giri, Ankit Singh Hamal, Nikhila Chapagain, Asmita Tamang, Rajaram Gautam, and Akash Karki.
With stage design by Sanyog Guragain, music composition by Mahendra Raj Batha, lighting design by Umesh Tamang, and multimedia operations by Pratik Raj Khadka, Sujan Dhimire, and Amir Tamrakar, the play offers both entertainment and critical reflection on social and political structures.
