उपासना र सोनमको प्रेमकथामा आधारित फिल्म ‘जलाकी’को ट्रेलर रिलिजUpasana and Sonam Star in 'Jalaaki' Trailer
फिल्म ‘खुश्मा’ का निर्देशक अशोक थापा मगरको दोस्रो निर्देशकीय फिल्म ‘जलाकी’ को आधिकारिक ट्रेलर सार्वजनिक गरिएको छ। शुक्रबार ललितपुरमा आयोजित एक विशेष कार्यक्रमका बीच सार्वजनिक गरिएको ट्रेलरले फिल्मको मुख्य कथावस्तुलाई प्रस्ट पार्ने प्रयास गरेको छ। कलेज जीवनको प्रेमकथामा केन्द्रित यस ट्रेलरमा सम्बन्धका उतारचढाव, भावनात्मक द्वन्द्व र बिछोडको पीडालाई गम्भीर रूपमा प्रस्तुत गरिएको छ।
ट्रेलरको मुख्य आकर्षण फिल्मका जोडी उपासना सिंह ठकुरी र सोनम तोप्देन हुन्। एउटै कलेजमा अध्ययन गर्ने उनीहरूबीच प्रेम सम्बन्ध गाँसिए पनि आर्थिक अभावका कारण सोनम परदेशिन बाध्य हुन्छन्। त्यसपछि प्रेमीको पर्खाइमा बसेकी युवती (उपासना) ले भोग्नुपर्ने मानसिक र भावनात्मक संघर्षलाई ट्रेलरको मुख्य कथा बनाइएको छ। ट्रेलरमा अभिनेत्री उपासनाको अभिनय सशक्त र प्रभावकारी देखिएको छ।
आगामी मंसिर ४ गतेबाट देशभर प्रदर्शनमा आउन लागेको यस फिल्ममा उपासना र सोनमसहित शिल्पा मास्के, अस्तित्व भट्टचन, साहारा हाङमा लिम्बू, राजु रेग्मी मगर, भावना मगर, माओत्से गुरुङ, बुद्धि तामाङ, उषा खड्गी, खड्क बहादुर पुन र लुनिभा तुलाधरलगायतका कलाकारहरूको अभिनय रहेको छ। फिल्ममा अभिनेता विजय लामाले विशेष भूमिका निर्वाह गरेका छन्।
निर्देशक अशोक थापा मगर स्वयंको कथा, लेखन तथा सम्पादन रहेको फिल्ममा ओम घर्ति मगर, वीर बहादुर लामा, चन्द्र बहादुर भट्टचन, मान बहादुर धनाह मगर, बेताने मगर (बबिता राना), सुस्मिता बुढाथोकी र राधा थापा निर्माताका रूपमा रहेका छन्। मगर समुदायको संस्कृति र आस्थाको प्रतीक मानिने ढुंगाको स्तम्भलाई केन्द्रमा राखेर तयार पारिएको यस फिल्मले त्रिकोणात्मक प्रेमकथा प्रस्तुत गर्छ।
The official trailer for 'Jalaki', the second directorial venture by 'Khushma' director Ashok Thapa Magar, has been released. Unveiled during a special event held in Lalitpur on Friday, the trailer offers a glimpse into the film's core narrative, focusing on a campus romance, relationship struggles, and emotional turmoil.
At the center of the trailer are lead actors Upasana Singh Thakuri and Sonam Topden, who portray college sweethearts. When financial hardships force Sonam to leave the country, Upasana's character is left waiting behind, enduring profound mental and emotional distress. Upasana's performance in the trailer stands out as particularly powerful and compelling.
Scheduled for nationwide release on Mangsir 4, the film's ensemble cast features Upasana and Sonam alongside Shilpa Maskey, Astitwa Bhattachan, Sahara Hangma Limbu, Raju Regmi Magar, Bhawana Magar, Maotse Gurung, Buddhi Tamang, Usha Khadgi, Khadga Bahadur Pun, and Luniva Tuladhar. Actor Vijay Lama makes a special appearance in the movie.
Written, directed, and edited by Ashok Thapa Magar, the film is produced by Om Gharti Magar, Bir Bahadur Lama, Chandra Bahadur Bhattachan, Man Bahadur Dhanaha Magar, Betane Magar (Babita Rana), Susmita Budhathoki, and Radha Thapa. Centered around a stone pillar symbolizing the culture and beliefs of the Magar community, the film explores a compelling triangular love story.
यूट्युबमा हेर्नुहोस्Watch on YouTube
